El Trentim e la zanzara tigre – Di Cornelio Galas

Dialogo edificante di mezza estate tra moglie marito (tuti dó trentini, de la Bùsa)

(La moglie):
«Vara che no ghe la fago pu, vara chì quanti becòni… scolta, stasera quei del Comun nela sala sora la Rurale i spiega cossa se pol far contro ’ste bestie maledete… va su a sentìr cossa che i dìs per piazèr.
«Ma no hai mandà en giro i cosi lì con su scrit su tuti… i depilanti…»
 
(Il marito)
- Sì ma a forza de trarli de chi e de là i è zamai nai en dispersia… come tute le robe che se zerca en ‘sta casa…
 
«Oscia, va bèm, a che ora elo st’afare…»
 
- El ghè anca sul giornal… toh, oto e meza stasera… dopo zena te gavrai bem temp no de nar su…
 
(Sbuffando):
«Vara ti quel che se deve far, nar a scola de zinzàle…»
 
(Dopo l’incontro informativo, torna a casa):
«Franca, Francaaa… ’n do sèt…? Oscia!»
 
(La moglie):
«Cossa zighit a ’ste ore che dopo quei de sora i bate col manech de la scóa… anca ti… vara che abitém en condomini, miga da to mama en mèz ala campagna…
«Pensèvo te fussa nada a dormìr…»
 
- Ah no dormiria de zerto pu se te continui a gosàr cosita… alora, com’èla nada?^
 
«Mah… ensóma»
 
- Ensoma cosa, t’hai spiegà alora come se fa a far nar via ’ste bestie?
 
«Sì, per quel… ma n’ho parlà anca col Carleto, sat quel che abita su ’n Trapióm, sì el marì de la Gilda… che l’è la sorela dela Maria l’infermiera…»
 
- Sì ho capì, ho capì; alora? Cossa èlo vegnù fòra ala fim?
 
«Te disevo, anca el Carleto l’era su la mia ala fim: quei lì i ciaciera i ciaciera… ma i ne sa tant che mi e ti me sa…»
 
- Massì, saré stai voi a no capir gnènt, ’l savevo che dovevo nar mi…
 
«Bastèva che te ’l disesi neh, stevo anca a cà…»
 
- Spiégheme co le to parole cossa i t’ha dit… Dai che dopo vago a dormir che som stada en pè giust per spetarte…
 
«Alora, entant no se capìs bem come le ha fat ‘ste zinzàle a vegnir da l’Africa, da la Cina da dove oscia le vei.  «I ha dit che l’è tut colpa dele gome de quela dita de Roveredo… che le zinzàle l’è finie denter ’ste gome… bem, entant no i è stai boni de spiegar bem come mai ’ste bestie no l’è stàe schizade entramez a ‘ste gome dei camiom entant che i camiom i neva…e zà chi dis anca el Carleto no ghe sem.
«Po’, i parla dei Marangoni de Roveredo. Ma oscia, se i è marangoni alora pu che dale gome ‘ste zinzàle le dovria vegnir dal legn… Alora, dis semper el Carleto, le ghè nele sparangole del teràzin capissit… l’è da lì che dopo le sgola…»
 
- Vara, lassém perder, i v’avrà dit cossa far per far nar via ’ste bestie almém…
 
«Eco, eco… anca chi no ghe sém secondo mi e anca el Carleto.»
 
- Ma sti chi, lezui e studiai, mandai dal Comun i ne savrà bem de pù de ti e ’l Carleto, che po’ el Carleto no l’ha gnanca finì le medie dai… dime come se fa a parar via ‘ste bestie che zamai gò som…
 
«Se te me lassi parlar, ’cramento… Te disevo, per fartela corta, che secondo i tecnizi no bisogna lassar fora piati, piatini scodèle con zò anca en giginìm de acqua…»
 
- Sì, questo ’l savevo anca mi, perché l’è lì che ‘ste bestie le fa i ovi no? Ma difat mi ho sguà tut sula teraza… Però ’ste zinzàle le ghè ancora… Ghe sarà pur qualcòs da far per mandarle via o dovente tegnirnele e sciào?
 
«Secondo mi e el Carleto l’è tut monae quele che i te conta. Perché ’l sistema pensandoghe su… che dopo sem nai da la Ierta a bever en bicier e a parlar propri de ste robe mi e el Carleto…»
 
- Enmagino, enmagino, ve se strucai ‘l zervèl… na fadiga… a far i giri de bianchi… robe da sudar neh?
 
«Ma no, no, scólteme bem. Secondo mi e ’l Carleto, de acqua nei bazinèi bisognerà envéze méterghen de pu…»
 
- Ah adès i ve ciama de sicur en televisiom… ensoma vói ’n savè pu de quei pagai propri per studiar come copàr le zinzale… brai, brai… questo dopo el terzo bicièr enmagino… Dio santissimo fame ’star calma te prego, ogni dona la gà la so cros da portar su ’sta tera…»
 
«Vara che no scherzo e no som gnanca embriach diàolpòrco… alora, pensévem mi e el Carleto, se nele scudèle, nei scandorlòti te ghe lassì zò sol en dé de acqua… ’sa fale le zinzàle… le và lì, le tasta, le fa i so mistéri e via come le è vegnùe…»
 
- Sì, via a becarme mi che no podo gnanca pu star fora a ciapar el fresch da quando ghè lóre…
 
«Però… però, pensévem, l’è propri perché ghè poca acqua che a ’ste zinzàle la ghe va bem.
«Se enveze t’empienissi i bazinèi de acqua e su i orli te ghe meti su ’n po de saóm… ah no le scapa cara, le và lì, le sbrissia e le finis denter… le se nega tute quante.»
 
- Sat cossa te digo?
 
«Bela idea no?»
 
- Sì, belissima idea. Domam de sera, quando te vegni de volta dala Ierta, tel preparo mì el bazinèl piem de acqua e ì insaóno tute le scale…